သွားမယ် သွားမယ်နဲ့
တကယ်တမ်းကျတော့
ခြေထောက်တွေကို
အခုမှ
ရေဆေးနေတုန်း
ရေကန်ထဲ
ကြာဆင်းချိုးမိတာလေ
ရလိုက်ပြန်တော့
ကြာပန်းက တစ်ပွင့်တည်း
ရွှံ့ပေနေတဲ့ ခြေထောက်
ရေဆေးလို့မှ မခြောက်ခင်
ကြာပန်းပွင့်ဖတ်တွေက
နွမ်းချင်ချင်နဲ့
မလိုချင်တော့ဘူးလို့
ပြောချင်ပေမယ့်
ကြာပန်းက ခူးပြီးနေပြီ
ရွှံ့တွေလည်း
ပေကျံနေပြီ
တစ်က ပြန်စလို့မှ
မရတော့ဘဲ
မျက်ရည်တဝဲဝဲနဲ့
ကြာပန်းကို ဘုရားတင်
အားအင်နည်းပါးတဲ့
ကိုယ့်အတွက်တော့
မနက်ဖြန်တွေကို
ဒူးနဲ့တိုက်ဖို့
ဒူးပေါ်က မျက်ရည်စတွေကို
ခဏခဏ ဖယ်သုတ်နေရပေါ့
သွားမယ် သွားမယ်နဲ့
ဟောဒီ တဲစုတ်ထဲမှာ
ငါ....
ရွာလည်နေပြီ.....
No comments:
Post a Comment