တုန့်ပြန်မှု

ရင်ခွင်မမှားပါနဲ့ဟာ

ငါဟာနင့်အနားမှာပါ

ခြေစုန်ကန်သွားပေမဲ့

ရင်ခုန်သံမရပ်နားသေးပါဘူး

နင်ငါ့နားမရှိတော့လဲ

အလွမ်းများစွာ ကျန်ပါသေးတယ်

တခမ်းတနားတော့ မဟုတ်ပါဘူး

အနမ်းတစ်ချို့နဲ့ပါ

ကြမ်းတမ်းစွာပြောခဲ့တဲ့

မင်းစကားအတွက်

ငါ့အပြုံးလေး လက်ဆောင်ပေးထားပါတယ်

မင်းအသဲကွဲတဲ့အခါ ထုတ်ကြည့်ပေါ့........နော်

နင်ထားသွားရင်

ငါအရင်က နင်ထားသွားရင် ရူးသွားလိမ့်မယ်လို့ထင်တာ

ခု ရူးလဲမရူးသွားပါဘူး ...

ရူးမသွားတဲ့အပြင် အရင်ကမေ့ထားပြီးသား

အမှတ်တရလေးတွေတောင်ခုမှတစ်ကအစသတိတွေရလို့ ...


ငါအရင်ကနင်ထားသွားရင် မုန်းမိမယ်ထင်တာ

ခုတော့နင့်ကိုလဲမမုန်းဘူး ...

ငါကိုယ်တိုင်လဲမပျော်ဘူးဟာ..


ငါအရင်ကနင်ထားသွားရင် ခဏခဏငိုမိမယ်ထင်တာ

ခုတော့မငိုမိပါဘူး...

ဒါပေမယ့် ငါ့တစ်ဘဝလုံးအပြုံးမရှိတော့ဘူး ...


ငါအရင်ကနင်ထားသွားရင် လွတ်လပ်သွားမယ်ထင်တာ

ခုတကယ်ကမလွတ်လပ်ဘူး..

ငါတစ်ယောက်တည်း နင့်အရိပ်တွေကြားမှာပိတ်မိလို့ ...

ငါတစ်ယောက်တည်းလွမ်းနေတာပါဟာ..........

အွန်လိုင်းချစ်သူ

နင်ဘယ်သူလဲမသိခဲ့ပါဘူး

ငါသိတာ နင့်အကောင့်က

ကိုးရီးယားမင်းသမီးပုံပါ

နင်ဘယ်ကလဲမသိခဲ့ပါဘူး

အွန်လိုင်းမှာဆုံမယ့်

အချိန်ကိုပဲစောင့်ခဲ့ရတာပါ

နင့်အသံကိုမကြားဖူးပါဘူး

ဖန်သားပြင်ပေါ်မှာ မြင်နေရတာ

သာကူထက်ချိုတဲ့ နင့်ရဲ့တော်ကီတွေပါ

အမှန်လားအမှားလား ဘာမှန်းမသိတာကိုပဲ

ငါကချစ်မိသွားတယ်ဆိုရင် နင်ယုံနိုင်မလား

တကယ်တော့ နင်ကမှော်ဆရာတစ်ယောက်ပါ

မကြားရမမြင်ရ သံယောဇဉ်တွေနဲ့

ငါ့ရဲ့နှလုံးသားကို ဆွဲစားသွားတာပါ……

အလွမ်းချည်တိုင်

သီကုံးခဲ့တဲ့  အလွမ်းတွေ

ကြိုးပြတ်ကျတဲ့ နေ့ ……

အခန်းထဲက လဲပြိုနေတဲ့

ဂီတာမှာ ကြိုးတွေ မရှိဘူး …

ပြတင်းပေါက်က ခုန်ထွက်ဖို့

ကြိုးစားနေတဲ့ ငါ့ရဲ့ မွန်းကျပ်မှုတွေ

တော်ပါတော့ ….

လုံလောက်ခဲ့ပါပြီ …..

ပြန့်ကျဲ နေတဲ့ ကဗျာတွေ

ငါ လစ်လျူရှု့ထားတယ် …

သူတို့လည်း ငိုချင်မှာပေါ့ …

ငါ မတားပါဘူး …… …..

ငါ မပြောတော့ဘူး …….

အကျီ ဟောင်းတစ်ထည်ပေါ်က

ဆွေးမြေ့ ဒဏ်ရာတွေ ….

မလျှော်တော့ဘူး ….

သိမ်းထားလိုက်မယ်…

ခုချိန် ………

ငါ့ မှာ ချမ်းသာတာ ….

 အလွမ်းတွေပဲ ရှိတယ် ………..

လွမ်းနေယုံပေါ့

အမှန်တိုင်း ဝန်ခံပါရစေတော့ ချစ်သူရယ်

မင်းနဲ့ ပက်သက်တဲ့ ငါ့ရဲ့ ညကဗျာ

အမြဲတမ်း မလှပခဲ့ဘူးဆိုတာကိုလေ

ကော်ဖီခါးခါး တစ်ခွက်ထက် အလွမ်းချိုချို တစ်ပုဒ်က

ညစဉ်ညတိုင်း ငါ့မျက်လုံးတွေကို နှိပ်စက်နေတယ်

ငါ့ကို အိပ်စက်ခွင့်ပြုပါ ချစ်သူရယ်

ကုန်ကုန်ပြောရရင် ငါပိုင်တဲ့ ငါ့ရဲ့ အတွေးနဲ့ နှလုံးသားကို

ထာဝရ အိပ်စက်ခွင့်ပြုလိုက်ချင်ပါတယ်

<ဒါပေမယ့်>

အတွေးနဲ့ နှလုံးသားက ဦးနှောက်ရဲ့ ဆုံးဖြတ်ချက်ကို

လက်မခံကြဘူးလေ

အဲဒီတော့ လွမ်းနေလိုက်ယုံပေါ့

ချစ်ဦးမေ

လွမ်းရစ်မြူဝေ

ဆိုင်းခိုလေသလား

ရင်ကိုခါးသက်

အိမ်မက်ပျက်စီး

အနီးဆုံးလည်း

ငါ့မှာသောကမဲ့ခဲ့ပြီ...

တိမ်ထူညအဆင်း

ဖော်မဲ့ခြင်းမှာ

တမ်းတခါခါ

မင်းတယောက်သာမို့

လွမ်းရည်ညှိ့တက်

လွမ်းရက်ဆက်ပြီ

လွမ်းရစ်မြူဝေ

ချစ်ဦးမေ.....

နတ်သမီး

သူ့ပါးမို့မို့…ချစ်စရာမို့

သူ့မျက်ဝန်းရယ်…လဝန်းနှယ်

သူ့ကိုယ်ရောင်ရယ်…ငွေအဆင်းခြယ်

အလင်းတွေပေးတယ်..တစ်ကမ္ဘာလုံးဝယ်

ကြယ်လေးတွေလည်းမင်းနားဝယ်

ညဆိုစုဝေးခစားတယ်…

ငါလည်းအမြဲတမ်းမင်းအနားဝယ်

ခစားချင်တယ်..တစ်သက်လုံးကွယ်

မြတ်နိုးခွင့်တော့..ပေးသင့်တယ်

ချစ်လှစွာသော..နတ်သမီးရယ်

ငါ့ရဲ့ဝဋ်ကျွေး

ငါ့ရင်ထဲမှာ နာကျင်နေတယ်

ငါ့ရင်ထဲမှာ ငိုကျွေးနေတယ်

ငါ့ရင်ထဲမှာ ကြွေကွဲနေတယ်

ငါ့ရင်ထဲမှာ အောက်မေ့နေတယ်

ငါ့ရင်ကွဲကြေကွဲ ငိုရှိုုက်နေတယ်

ငါလွမ်းတိုင်းလဲ မင်းဖြစ်နေတယ်

သံသရာမှာ ဝဋ်ကျွေးရှိတာဖြစ်လိမ့်မယ်

သံသရာ ဝဋ်ကျွေးမပြယ်သေးလို့

ငါပေးဆပ်တယ် ချစ်သူရယ်....

မမြင်ဘူးပဲ ငါချစ်တယ်

ဖြူစင်အချစ် ရင်ထဲဖြစ်တည်

တကယ်ချစ်ခဲ့ပါတယ်

ချစ်သူရယ်.....

ကြယ်ကြွေချိန်ဆုတောင်း

ချစ်သူကပေးတဲ့ဒဏ်ရာတွေ

ကုစားရင်း မြက်ခင်းပေါ်ကျောခင်းမိတော့

ဖြစ်ပျက်ခဲ့သမျှတွေ

အကွက်ကျကျ ပြန်မြင်ယောင်မိတယ်...

ချစ်တယ်လို့ပြောခဲ့တာ

မုသားမပါတဲ့

ငါ့ရင်တွင်းစကားစစ်စစ်ပါ...

မင်းချန်ထားခဲ့မယ်လို့

ငါမှမထင်တတ်ခဲ့ပဲ

ကျန်ခဲ့တော့လည်း

ငါ့ကံပေါ့ချစ်သူ...

ရင်တွင်းဒဏ်ရာ

အနာမကျက်သရွေ့

ငါကြိုးစားကုရဦးမယ်....။

ကောင်းကင်ပေါ်ခေါင်းမော့ကြည့်မိတော့

ဖြုတ်ခနဲဆို ကြယ်ကြွေအသွား

ငါဆုတောင်းလိုက်မိတာက

ပြန်ဆုံဖို့မဟုတ်သလို

နင့်အချစ်ပြန်ရဖို့လဲမဟုတ်ခဲ့ပါဘူး

ငါနင့်ကိုမေ့နိုင်ဖို့ပါ.....

အချစ်ဆိုတာ

သူသာပျော်ရွှင်မှုရမယ်ဆို

ကိုယ့်အတွက်ဆိုတာတောင်မေ့ပြီး

ထပ်တူခံစားပေးနိုင်တဲ့

ကာလာမပါတဲ့ အဖြူရောင်ဂီတလေးပါ...

အချစ်ဆိုတာ

သူစိမ်းရင်ခွင်နှစ်ခုကို

ချည်နှောင်ပေးတဲ့

နူးညံ့သလောက်ခိုင်မာတဲ့ ကြိုးလေးတစ်ချောင်းပါ...

အချစ်ဆိုတာ

အနေနီးခြင်းဝေးခြင်းနဲ့ မသက်ဆိုင်လှပဲ

သူ့အကြောင်းတွေးလိုက်ယုံနဲ့

သူ့ရုပ်လွှာ မြင်ယောင်လာစေတဲ့

ကြည်နူးဖွယ် ကဗျာလေးတစ်ပုဒ်ပါ...

အချစ်ဆိုတာ

မတွေ့မမြင်ရလည်း

သူ့အသံကြားစဉ်ခဏ

ပီတိတွေ တသွင်သွင်စီးဆင်းစေတဲ့

စမ်းချောင်းငယ်လေးတစ်ခုပါ...

အချစ်ဆိုတာ

ကိုယ့်နှလုံးသားထဲမှာ

သူ့တစ်ယောက်ထဲအတွက်

အပြည့်ပေးထားတဲ့

သီးသန့်နေရာလေးတစ်ခုပါ...

ရယူလိုသောဆု

နတ်ပြည်ရောက်၍
ဝင်းတောက်ထိန်လျှံ နတ်ဗိမာန်နှင့်
နေရန်အကြောင်း၊ ဆုမတောင်းပါ။

ဗြဟ္မာဘုံရောက်၊ ရွှေရောင်တောက်၍
မြင့်မောက်ဂုဏ်သိန်၊ သူ့စည်းစိမ်ဖြင့်
ဇိမ်ခံလိုကြောင်း၊ ဆုမတောင်းပါ။

ရည်မှန်းချက်ကို၊ စောင့်လျက်နေ့ည
သက်ပြင်းချ၍၊ ကြောင့်ကြပူပင်
ကိုယ်တွင်ဆုတ်နစ်၊ မြူညစ်စိတ်နွမ်း
မဖုံးလွှမ်းဘဲ။

လောဘပိုကဲ၊ ဆန္ဒဇွဲနှင့်
စိတ်ထဲယဉ်ယဉ်၊ ဘဝမြင့်ကာ
ကိုယ်ထီးသာလျှင်၊ ထွေရာစိတ်ကူး
အရူးယောကျ်ား၊ မဟုတ်ငြားဘဲ။

ကိုယ်၏ဇွဲမာန်
ကိုယ့်အားမာန်ကို၊ အမှန်မသိ
မချိပူဆာ၊ နောင်ခါနောင်ရေး
ပူဆွေးမရွှင်၊ လိုချင်အခွင့်
မျှော်တလင့်ကြောင့်၊ သူဖြင့်ကိုးစား
သူ့အားတာတီ၊ မပီယောကျ်ား
မဟုတ်ငြားဘဲ။

ရလိုသမှု၊ လှူလှူလောဘ
ကင်းစင်ပ၍၊ ဒေါသမထန်
မာန်မာမရှိ၊ ပကတိသို့
ငြိမ်ဘိစိတ်တွင်၊ ပတ်ဝန်းကျင်နှင့်
အစဉ်လက်တွဲ၊ ခွာမရှဲဘဲ
မြဲသည်သတိ၊ သိသည်ဝန်တာ
ဤလူ့ရွာဝယ်၊ သာမန်စိတ်ထား
လူသားစင်စစ်၊ ဖြစ်လိုပါကြောင်း
ငါဆုတောင်း၏ ။    ။

တောင်းဆု

၃နဲ့၄နဲ့အဖြစ်လို

ကျောချင်းကပ် အနေအထားနဲ့

ဆန့်ကျင်ဘက်အရပ်ကို

ခြေတစ်လှမ်းလှမ်းတိုင်း

မျက်ရည်တစ်စက် ဘာလို့ကျနေရတာလဲ။

ပေးဆပ်သူလို့လည်း ဟန်မဆောင်လိုပါဘူး

ပိုင်ဆိုင်လိုစိတ် နည်းနည်းတော့ရှိခဲ့တာပဲလေ

အချစ်ကြီးရင် အမျက်လည်းကြီးတတ်တယ်တဲ့

ကြီးမားတဲ့အချစ်တစ်ခုတော့ သူ့အပေါ်ထားခဲ့ဖူးပါရဲ့

ဒါပေမဲ့ မုန်းမျက်လို့မရခဲ့ပါဘူး။

ဦးနှောက်နဲ့ မာနရဲ့စေခိုင်းရာကို

လိုက်နာခဲ့ရတာ

နှလုံးသားက ဓားစာခံပေါ့

တောင်းတဲ့ဆုတိုင်းသာပြည့်မယ်ဆိုရင်

ဖြစ်ချင်တာနဲ့ဖြစ်နေတာ ထပ်တူကျပါရစေ။

လွမ်းတတ်သူ

အရမ်းအရမ်း လွမ်းတတ်ပေမယ့်

နမ်းခွင့်တွေကြုံတိုင်း

တွေဝေခဲ့တာ ငါ့အမှားပါ

မထိရက်နိုင်ဘူး အချစ်ရယ်

မင်းရယ်ပုံလေး ပျောက်မှာဆိုးလို့

ငါမမေ့တော့ဘူး

မင်းရဲ့ အေးဆေးတဲ့ဟန်လေးကို

တစ်သက်လုံး ပုံကာထားပြီး

ချစ်မယ်လို့ မျှော်လင့်ထားမှပဲ

ဝေးကွာမှုတွေ ဝင်လာပြီကွာ

ဟာ...သွားပြီ ငါရူးတော့မယ်

တို့နှစ်ယောက်ကြားမှာ

လွမ်းစရာတွေကြီးပဲ

ရင်ကိုနွေးစေတဲ့

မင်းအပြုံးလေးလွမ်းမယ်

တစ်ခါတစ်ခါ

မင်းအသံလေးလွမ်းမယ်

အမှတ်တမဲ့

မင်းရဲ့ပုံတွေလဲပါနေမှာပဲ

ရောက်ခဲ့ဖူးတဲ့နေရာတွေလဲ

ငါ့မမေ့တမ်းလွမ်းမယ်

အစအဆုံးပဲ

ဆံပင်ကနေ

ခြေဖျားထိအောင်လွမ်းမယ်

အဲ့ဒီအလွမ်းမှာသာ

တောင်ပံပါခဲ့ရင်တော့

မင်းဆီအရောက်

ငါပျံလာမှာပါ ချစ်ရယ်

ခုတော့တွေးရင်းနဲ့ပဲ

ဆက်လွမ်းလိုက်ဦးမယ်.....

အပြစ်မမြင်

ရင်မှာကြေကွဲ သူထားခဲ့လဲ 

အပြစ်မမြင် ချစ်ချင်သေးတယ် 

သူ့ရဲ့စကား ကြားပါများလဲ 

မရိုးအီပဲ

တစ်မျိုးထင်နေသေးတယ်

မြင်ယောင်တမ်းတ သူ့မျက်နှာလေး

ပျောက်ကွယ်မှာလဲ

တွေးကြောက်ဆဲကွယ်.....

လမ်းဘေး

စိတ်ဆန္ဒတွေ ပြည့်ဖို့အတွက်

ပန်းမခူးချင်ပေမဲ့ ခူးခဲ့ပြီ

ငါမျှော်လင့်တဲ့ပန်းလေး

နွမ်းသွားမှာလဲ မလိုချင်ဘူး

အလှမ်းမဝေးပါရစေနဲ့....

မင်းရဲ့ အနားမှာပဲ

အလွမ်းတေးတွေ သီဆိုပါရစေ

အနမ်းလေးတွေ လိုချင်ပေမယ့်

ငါ့ဘဝက လမ်းဘေးမှာပါ...

နာကျည်းသူရဲ့အမုန်း

စစ်မြေပြင်မှာတွေ.လျက်

စစ်မခင်းပဲ

မဟာမိတ်ဖွဲ.ချင်ယောင်ဆောင်ပြီး

ချုံခိုအတိုက်ခံရတယ်။

အိပ်မက်ထဲမှာတောင်ထည့်မမက်ခဲ့ဖူးဘူး

နောက်ကျောဓါးထိုးခံရမယ်ဆိုတာကို

2011ရေ

မင်းကတော.ပထမဆုံးလမှာပဲ

ငါ့အတွက်သင်ခန်းစာသစ်တစ်ရပ်ပေးတယ်။

ခေါင်းစဉ်က

တရားလွန်ယုံကြည်မိခြင်းရဲ.ဆိုးကျိုးတဲ့

ကြမ္မာရဟတ်တစ်ပတ်လည်လို့

နင့်အလှည်.ရောက်လာတဲ့အခါ

ငါ့လိုအပြုံးမပျက်ခံယူနိုင်ပါစေလို့

ငါဆန္ဒပြုပါတယ်။

ခွင့်လွှတ်ပေးလိုက်ပေမဲ့

ငါလည်းပုထုဇဉ်ပဲမို့

ဒီတစ်သက်ဒီဘဝ

ဒီမျက်နှာကိုမမြင်ချင်တော့ဘူးဟာ......

တစ်သက်စာအရှုံး

နင့်အပြုံးတစ်ချက်ရဖို့

ငါ့မျက်ရည်တစ်စက်ရင်းရမယ်ဆိုရင်လည်း

ငါမငြိုငြင်ပါဘူး ချစ်သူ...

နင်သာပျော်နေမယ်ဆို

ငါ့ရဲ့ဟန်ဆောင် မျက်နှာဖုံးအောက်ကို

နင်မမြင်အောင် ငါလျှို့ဝှက်ထားပေးပါ့မယ်...



ကြယ်ကြွေတာမြင်ရင်

ဆုတောင်းပြည့်တတ်တယ်တဲ့

ငါကြားဖူးတဲ့ စကားလေးတစ်ခုလေ

ငါ့ဆန္ဒမပြည့်ချင်နေပါ

ငမိုက်သား ဖြစ်လိုကဖြစ်စေ

အများလိုအင်ပြည့်ဖို့

ကြွေလွင့်ပေးရတဲ့ ကြယ်တစ်ပွင့်

ငါမမြင်ရက်တာမို့

ဆုမတောင်းလိုပါဘူး ချစ်သူ....



နင့်ရဲ့ချစ်ခြင်း အပြည့်အဝမရနိုင်မှတော့

အတ္တကြီးတယ်ဆိုချင်ဆို

အလွမ်းတွေနဲ့ ငါနေတတ်ခဲ့ပြီပဲ

ငါ့အတွက်တော့ ဝေဒနာတွေဟာလည်း

မထူးဆန်းတော့ပါဘူး...



ငါ့ရင်ခွင်နန်းတော်မှာ

တစ်ဦးတည်းသော အရှင်သခင်အဖြစ်

နေရာပေးပြီးချစ်ခဲ့လည်း

နင်မှမနေလိုခဲ့တာ

လက်ပြနှုတ်ဆက် ထွက်သွားလိုသူကိုလည်း

ငါမတားချင်တော့ပါဘူး...



ဒဏ်ရာတွေနဲ့

ငါဘယ်လိုရပ်တည်နေမလဲဆိုတာ

နင်သိစရာမလိုတော့ပါဘူး...

(သိလည်း နင်မှစိတ်မဝင်စားတာ)

ငါ့အတွက်ကတော့

နင်သာပျော်နေမယ်ဆိုရင်

အရာရာ အဆင်ပြေပါတယ်...

ချစ်သူ

လောင်ကျွမ်းနေတဲ့

နှလုံးသားတစ်ခုပေါ်ကို

တစ်စက်ဆိုရုံလေး ခပ်ဝေးဝေးကပဲဖြစ်ဖြစ်

မင်းရွာချလိုက်ပါလား

ငါ့မှာတော့ဘယ်အခါညိုလို့

ဘယ်အခါပြိုမလဲ

မင်းရဲ့အသံလေးကိုနားစွင့်

မျှော်လင့်လို့နေလိုက်ရတာ

အချိန်တန်တော့လည်း မင်းကတဂျိမ်းဂျိမ်းနဲ့

ရှောင်တိမ်းလို့သွားနေလိုက်တာ

အမှတ်တမဲ့ပဲလို့ မင်းပြောအုံးမှာလားကွာ

ဒီလိုနဲ့ပဲ

ခြောက်ကပ်ကပ်နဲ့ အိမ်ပြန်ရက်တွေဆက်ခဲ့ရတာ

မင်းနဲ့ပက်သက်တဲ့ငါ့ရဲ့ အမှတ်တရလေးတွေပါ.......

ကျနော်မသိချင်းများ

အချစ်ဆိုတာ......

သူ့မျက်နှာလေးကို

အမြဲတမ်းမြင်တွေ့နေချင်တာလား

သူ့အသံလေးကို

ကြည်နူးနေမိတာလား

သူ့ရဲ့လှုပ်ရှားမှု့လေးတွေကို

သံစဉ်တေးသွားလေးတွေလို

ခံစားမိတာလား

ကျနော်မသိ

ဒါပေမယ့်

ခြေလှမ်းတိုင်းကတော့သူ

သူရှိရာဆီ.....................

ပျောက်ဆုံးခြင်း

လောကကြီးရယ်

တရားသေးရဲ့လား

ပေးခဲ့သစ္စာတရားတွေ

ဘယ်နားမှာလဲ

ပြောခဲ့တဲ့ချစ်စကားတွေ

ထားခဲ့တော့လဲ

အလဲအကွဲပါပဲဟာ

အကြင်နာ နှလုံးသားကိုမှ

တမင်မုန်းထားခဲ့တဲ့တွက်

ရင်နာလို့မဆုံးခဲ့ပါဘူး

အရှုံးသားဘဝနဲ့

နှလုံးသားလှတဲ့လူတစ်ယောက်

ဆုံးသွားခဲ့တာ ခြောက်လရှိပြီ.......

ကောင်မလေးအတွက်

လှိုူင်းခတ်နေတဲ့ ဒီရင်က

အကြင်နာသံစဉ်တွေကို

တကယ်ပဲမင်းမမြင်လို့လား

ချစ်နေတာကိုသိရဲ့နဲ့

ခံရခက်အောင် မင်းကလှောင်ပြုံးလို့

မာယာတွေသုံး နေတာလား....

ဒါမှမဟုတ်

မင်းအတွက်

နေလို  လလို  အရိပ်လေးလို

မရိုးနိုင်ပါဘူးလို့ဆိုတဲ့

မင်းရဲ့  Hero  နေရာမှာ

ငါဟာ အစားထိုးနိုင်မဲ့သူ မဟုတ်လို့လား.....

ကောင်မလေးရယ် မင်းသိထားပါ

မင်းရဲ့နေ့များ အမောတွေကြားမှာ

မင်းခိုနားတဲ့ အရိပ်တစ်ခု ဖြစ်ခွင့်မရခဲ့ပေမယ့်

မင်းဘဝရှေ့ရေး မင်းရင်အေးစေဖို့

ငါလေအေးအဖြစ် ရှိနေမယ်ဆိုတာ

မင်းရဲ့ရောင်စဉ် မင်းကောင်းကင်လို

ထာဝရ ဖန်ဆင်းနေတစ်စင်း

ဖြစ်ခွင့်မရပေမယ့်

သူ့ရဲ့အပူ မင်းမယူနိင်ဖို့

ငါတိမ် ထူထူတွေ အဖြစ်ရှိနေမယ်ဆိုတာ....

မင်းရဲ့ဘဝ မင်းညတွေကို

ထာဝရဖန်ဆင်း လ တစ်စင်းဖြစ်ခွင့် မရပေမယ့်

မင်းရဲ့အပါး မင်းအနားမှာ

 အမြဲခစား ကြွေလွင့်သွားတဲ့အထိ

 အပြုံးတွေဆင့် ကြယ်တပွင့်လို ငါရှိနေမယ်ဆိုတာ

 ကောင်မလေး ယုံထားပါ.....

နွံ့ထဲမှာကြာ

သွားမယ် သွားမယ်နဲ့

တကယ်တမ်းကျတော့

ခြေထောက်တွေကို

အခုမှ

ရေဆေးနေတုန်း

ရေကန်ထဲ

ကြာဆင်းချိုးမိတာလေ

ရလိုက်ပြန်တော့

ကြာပန်းက တစ်ပွင့်တည်း

ရွှံ့ပေနေတဲ့ ခြေထောက်

ရေဆေးလို့မှ မခြောက်ခင်

ကြာပန်းပွင့်ဖတ်တွေက

နွမ်းချင်ချင်နဲ့

မလိုချင်တော့ဘူးလို့

ပြောချင်ပေမယ့်

ကြာပန်းက ခူးပြီးနေပြီ

ရွှံ့တွေလည်း

ပေကျံနေပြီ

တစ်က ပြန်စလို့မှ

မရတော့ဘဲ

မျက်ရည်တဝဲဝဲနဲ့

ကြာပန်းကို ဘုရားတင်

အားအင်နည်းပါးတဲ့

ကိုယ့်အတွက်တော့

မနက်ဖြန်တွေကို

ဒူးနဲ့တိုက်ဖို့

ဒူးပေါ်က မျက်ရည်စတွေကို

ခဏခဏ ဖယ်သုတ်နေရပေါ့

သွားမယ် သွားမယ်နဲ့

ဟောဒီ တဲစုတ်ထဲမှာ

ငါ....

ရွာလည်နေပြီ.....

မျက်ရည်မြစ်ကျဉ်း

စိတ်ကိုရွေ့လျား

မေ့ထားရုံနဲ့

မေ့သွားရင်လည်း

အကောင်းသား

မမေ့မမုန်း

တစ်နေ့လုံး....သူ

စိတ်ကိုယူငင်

ရင်တွင်းရစ်ဖွဲ့

နှောင်တွယ်နွဲ့ပြုံး

လှော်ရင်းနစ်ပြီ

မပျော်နေ့ည

မေ့မရလို့

တွေ့ကြတဲ့အခါ

သူမြင်သာအောင်

ကြင်နာအရိပ်

အလွမ်းစိတ်ကို

ပါးစပ်ပိတ်ထား

နှလုံးသားမှ

မျက်ရည်များဖြင့် ပြချင်တယ်....

အလွမ်း

တစ်ခါတလေအတွေး

ကဗျာတွေရေးလိုက်ချင်တယ်

ယောက်ရက်ခက်နေတဲ့ကြားထဲ

အနှောက်အယှက်တွေ

ဝင်လာသေးတယ်

နောက်နေ့လဲတမ်းတမှာမို့

လွမ်းရတာလို့

စာအမည်တပ်ပေးလိုက်မယ်

အလွမ်း....

စနစ်

အသွင်မပြောင်းလေဟု
ယခင်ဟောင်းမှာ တလည်လည်နဲ့
မခင်တွယ်စရာ အပုပ်အသိုးတွေမို့
အလွန်ရုပ်ဆိုးပါတဲ့ လူ့ရပ်ရွာ။

သူ့ထက်သာ ငါသာမြတ်တယ်လို့
အတတ် တံခွန်ထူ၍
မျိုးဇာတ်တူ လူလူချင်း
ညှဉ်းလို့နေတာ။

တကယ် မနွဲ့လေနဲ့
တစ်လှည့် တစ်ပြန်စီပေါ့
အလီလီ ခေါင်းပုံဖြတ်ပါလို့
လည်ပတ်သူ ဆူဆူဖြိုးနေကြ
လောကမှာ တစ်ထွာထုံးကဲ့သို့
ကျင့်သုံး၍ ချိန်ရှည်တာ
ဤကမ္ဘာဖြင့် ကြာပြီပဲ။

ရဟတ် ပုံအသွင်နဲ့
ငါ့ဖို့မြင် ငါ့ဖို့တွေးကာပ
မအေးနိုင် မချမ်းနိုင်
လောဘတွေ တလှိုင်လှိုင်ကြောင့်
ပြိုင်ဆိုင်ကာ စိတ်တွေစောပါလို့
ရင်မောဖွယ် သည်စနစ်ကယ်က
ထွန်းလှစ်သည် အရောင်ပြန်ပေါ့
အရင်းခံ သူ့ကိုပြောင်းပါမှ
အဟောင်း သည်ကမ္ဘာ၌
လူတကာ ချမ်းသာမြင်လိမ့်မယ်
တွေးချင့်ဝေခွဲ။ ။

ရှင်သန်ချင်တဲ့ နှလုံးသား

ရိုးရိုးလေးပါပဲ ငါချစ်ခဲ့တာ

တကယ်ပါ အမျိုးမျိုးတွေးထားပါတယ်

ဒါပေမဲ့ နင်နဲ့ပက်သက်ရင်

တစ်မျိုးပြီး တစ်မျိုးခံစားရလဲ

တိုးတိုးပြီး ချစ်ချစ်နေလို့

အဆိုးကြီးပဲခံစားရလဲ

ငါကျေနပ်နိုင်ပါတယ်...


အသေတော့ မသတ်ချင်ပါနဲ့ဟာ

နင့်အတွက် ငါသေရဲပေမယ့်

ခံစားနေတဲ့ ငါ့နှလုံးသားလေး

ဒီအတိုင်း ရှင်သန်စေချင်လို့ပါ ..............