ချစ်သူကပေးတဲ့ဒဏ်ရာတွေ
ကုစားရင်း မြက်ခင်းပေါ်ကျောခင်းမိတော့
ဖြစ်ပျက်ခဲ့သမျှတွေ
အကွက်ကျကျ ပြန်မြင်ယောင်မိတယ်...
ချစ်တယ်လို့ပြောခဲ့တာ
မုသားမပါတဲ့
ငါ့ရင်တွင်းစကားစစ်စစ်ပါ...
မင်းချန်ထားခဲ့မယ်လို့
ငါမှမထင်တတ်ခဲ့ပဲ
ကျန်ခဲ့တော့လည်း
ငါ့ကံပေါ့ချစ်သူ...
ရင်တွင်းဒဏ်ရာ
အနာမကျက်သရွေ့
ငါကြိုးစားကုရဦးမယ်....။
ကောင်းကင်ပေါ်ခေါင်းမော့ကြည့်မိတော့
ဖြုတ်ခနဲဆို ကြယ်ကြွေအသွား
ငါဆုတောင်းလိုက်မိတာက
ပြန်ဆုံဖို့မဟုတ်သလို
နင့်အချစ်ပြန်ရဖို့လဲမဟုတ်ခဲ့ပါဘူး
ငါနင့်ကိုမေ့နိုင်ဖို့ပါ.....
No comments:
Post a Comment